«Նոր ալիք-2012»-ի երկրորդ օրվա արդյունքներով Հայաստանի ներկայացուցիչ Սուրեն Առուստամյանը շարունակում է մնալ ութերորդ տեղում: Նա 180 միավոր է ստացել:
Երկրորդ օրը երգիչները կատարել են իրենց երկրների հիթերը: Սուրեն Առուստամյանը կատարել է Ավետ Բարսեղյանի հեղինակած «Իմ սերը քեզ» երգը:
Մրցույթի առաջատարների եռյակում երկրորդ օրը փոփոխություն է կատարվել. ուկրաինուհի Մարիա Յարեմչուկը առաջատարի տեղը զիջել է իտալացի Կոնստանցո Դել Պինտոյին: Լատվիական «Framest» խումբը երրորդ տեղում է, իսրայելա-իտալուհի Այալա Էլիգոոլան չորրորդից իջել է վեցերորդ տեղ, չորրորդ տեղում ղազախստանցի իգիթներն են` «The Jigits»:
«Նոր ալիքում» հուլիսի 27-ին նախքան մասնակիցների բեմ դուրս գալը ելույթ են ունեցել ռուսական ռոքի լեգենդները` Գարիկ Սուկաչովը ու «Անձեռնմխելիները» խումբը, Ալեքսեյ Ռոմանովը եւ «Հարություն» խումբը, Անդրեյ Մակարեւիչը եւ «Ժամանակի մեքենան», Բորիս Գրեբենշչիկովը եւ «Ակվարիումը», «Չայֆ» խումբը եւ Պելագեյան:
Համերգը վարել են Քսենիա Ստրիժն ու Միխայիլ Եֆրեմովը:
Վերջում ելույթ է ունեցել «Ժամանակի մեքենան» խումբը: «Մինչեւ վերջին կաթիլը խմում եմ ծովում եղածների կենացը» հանդիսատեսները երգում էր միաձայն: Վերջում բոլոր խմբերը միասին կատարեցին «Շրջադարձ» երգը` բեմը զիջելով մասնակիցներին: