Թբիլիսիում՝ ամենահին եկեղեցիներից մեկի՝ Սուրբ Նշանի մոտ, որն այժմ գտնվում է վթարային վիճակում, փետրվարի 4-ին բողոքի գործողություն է կայացել, որին մասնակցել են «Բազմազգ Վրաստան» կազմակերպոության մոտ երեք տասնյակ ակտիվիստներ, գրում է «Ռեզոնանսի» թերթը:
Վերջին շրջանում եկեղեցու տանիքի տան պատսպարվել են անտուն մարդիկ ու շները: Փետրվարի սկզբին հայտնի է դարձել, որ եկեղեցու տարածքում ինչ-որ մի քաղաքացի շների մեծ խումբ է հավաքել: Բայց քաղաքային իշխանությունները, որ վաղօրոք էին տեղեկացվել այդ մասին, կանխարգելիչ միջոցառումներ է ձեռնարկել, եւ շնորհիվ ակցիայի մասնակիցների՝ ինչպես հայերի, այնպես էլ վրացիների, եկեղեցու տարածքը մաքրել էին շներից:
Կազմակերպության ակտիվիստները պահանջում են քաղաքապետարանի համապատասխան ծառայություններից միջոցներ ձեռնարկել պատմական հուշարձանը պահպանելու համար: «Բազմազգ Վրաստան» ՀԿ-ի ղեկավար Առնոլդ Ստեփանյանի խոսքով, առաջին հերթին պետք է փակվեն եկեղեցու դռներն ու պատուհանները, որ անտուններն ու շները չկարողանան մուտք գործել: Ի դեպ, որոշ ժամանակ առաջ բռնկված հրդեհը ոչնչացրել էր եկեղեցու որմնանկարները:
2007թ. պատմական հուշարձանների շարքում գրանցված Սուրբ Նշանը փակ է բոլշեւիկների ժամանակներից, եւ խորհրդային տարիներին այնտեղ գրադարան է գործել:
