Մոսկվայում ձերբակալված, ապա փողերի լվացման մեղադրանքով կալանավորված հայ գործարար Լեւոն Հայրապետյանի առողջական վիճակը լավ չէ եւ նա բժշկի կարիք ունի:
Քիչ առաջ նրա ֆեյսբուքյան էջում հաղորդագրություն է տարածվել, որում ասվում է. «Լեւոն Հայրապետյանի հավատարմագրված անձ եւ ընկեր Մացակ Փոլադյանը քիչ առաջ զրուցել է Հայրապետյանի փաստաբանի հետ, որը այս պահին պատրաստվում է բողոքարկել բասմանյան դատարանի որոշումը, վերադաս դատարան խափանման միջոցը փոխելու վերաբերյալ, բացի այդ պաշտպանը հայտնել է որ Լեւոնի առողջական վիճակը լավ չէ, նա տատապում է շաքարային դիաբետով, ունի ինսուլինի կարիք եւ գտնվում է հոգեպես ընկճված վիճակում. Լեւոնը վերջերս տարել է ինսուլտ եւ եթե չլինի բժիշկների հսկողության տակ դժվար այդ անմարդկային պայմաններում կարողանա դիմանալ սպասվող պայքարին...»:
Նշենք, որ Ռուսաստանի Քննչական կոմիտեն Լեւոն Հայրապետյանին մեղադրանք է առաջադրվել երկու հոդվածներով` ՌԴ քրեական օրենսգրքի 160-րդ (վատնում) եւ 174-րդ (հանցավոր ճանապարհով ստացված եկամուտների օրինականացում) հոդվածներով: