Հայաստանի ԱԻՆ-ում, հուլիսի 20-ին, ժամը 20.48-ին տեղեկատվություն է ստացվել, որ Երեւանի Հաղթանակ թաղամասի աղբանոցում այրվում են տնակներ, աղբ եւ տեխնիկա:
Հայաստանի ԱԻՆ փրկարար ծառայությունից հայտնում են, որ հայտարարվել է հրդեհի «թիվ 2» բարդության աստիճան:
Դեպքի վայր են մեկնել 8 մարտական հաշվարկ, փրկարարական ջոկատը, ՃԿԿ ԱԻ արձագանքման եւ օպերատիվ խմբերը:
Հրդեհաշիջման աշխատանքներին մասնակցել են քաղաքապետարանի 4 ջրատար:
Հրդեհը մեկուսացվել է ժամը 00.58-ին, մարվել՝ 05.17-ին: Այրվել են (1 հա տարածքում) շինարարական եւ կենցաղային աղբ, երկու վագոն-տնակ (60 քմ), քարե կիսաքանդ շինության փայտյա կառուցատարրերը (40 քմ) եւ չշահագործվող տրակտոր:
Հրդեհաշիջման աշխատանքներին մասնակցել են քաղաքապետարանի 4 ջրատար:
