Գյումրի քաղաքի Երեւանյան խճուղում հուլիսի 24-ին ժամը մոտ 22։00-ին Երեւան-Գյումրի գնացքի տակ ընկածն անչափահաս է եղել, մոտ 16-17 տարեկան: Այս մասին NEWS.am-ին ասաց դատաբժշկական փորձագետ Լիպարտի Ղուկասյանը:
Նրա խոսքով՝ երիտասարդի ինքնությունը դեռ չի պարզվել, մինչեւ այս պահը ոչ մեկը դիահերձարան չի գնացել: Այդ պատճառով ոստիկանությունը հայտարարություն է տարածել, որով խնդրում է՝ հարազատներին կորցրած անձանց դիմել ոստիկանություն:
Նշենք, որ հարվածից հետո գնացքի մեքենավարը մոտ 200 մետր անցնելուց հետո է միայն կարողացել արգելակել գնացքը, երիտասարդի մարմինը մասնատվել է։ Դեպքին ականատեսը NEWS.am-ի թղթակցին պատմել էր, որ այդ երիտասարդը գնացքի ռելսերի վրայով քայլելիս է եղել՝ ականջակալները ականջներին: Նա չի լսել գնացքի ազդանշանը: Նրա գնահատմամբ՝ գնացքը թույլատրելի արագությամբ էր ընթանում՝ մոտ 60 կմ/ժամ:
