Հուլիսի 31-ին դիվերսիայի հետեւանքով զոհված զինծառայող Ազատ Ասոյանը Երեւանից էր, 5 օր առաջ դարձել էր 20 տարեկան, աշնանը պետք է զորացրվեր: NEWS.am-ի տեղեկություններով Ազատ Ասոյանը կրտսեր եղբայր ունի, որը երկրում չի եւ դեպքի մասին դեռ չգիտի:
Ավելի վաղ NEWS.am-ը հայտնել էր, որ հուլիսի 31-ին հակառակորդը հարձակում էր գործել հյուսիսային հատվածում մարտական հերթապահություն իրականացնող զորամասերից մեկի պահպանության տեղամասի ուղղությամբ: Դիրքապահ անձնակազմի կողմից հանդիպելով կազմակերպված դիմադրության՝ հակառակորդը, կրելով բազմաթիվ կորուստներ, հետ է շպրտվել ելման դիրքեր:
Գործողության արդյունքում, զոհվել են ՊԲ զինծառայողներ, 1994թ. ծնված Արարատ Վաչիկի Խանոյանը եւ Ազատ Արթուրի Ասոյանը:
