Արտաշատի բժշկական կենտրոնում հուլիսի 30-ին մահացած ծնված երեխայի մահվան պատճառները պարզելու համար ոստիկանությունում նյութեր են նախապատրաստվում:
Ինչպես NEWS.am-ին հայտնեցին ոստիկանության լրատվական ծառայությունից, մամուլի հրապարակումների հիման վրա նյութեր են նախապատրաստվում, հետաքննություն է կատարվում: Քրեական գործ դեռ չի հարուցվել:
Նշենք, որ մահացած ծնված նորածնի հարազատները պնդում են, որ դժբախտության մեջ մեղավոր է ծնունդն ընդունած բժշկուհի Կարինե Հովհաննիսյանը: Մինչդեռ ծնունդն ընդունած բժշկուհին NEWS.am-ի հետ զրույցում ասաց, որ ամենայն հավանականությամբ պորտալարը պարանոցին փաթաթվելու պատճառով է երեխան մահացել. «Եպրաքսյային ընդունել ենք հղիության 38-րդ շաբաթում, հուլիսի 30-ի առավոտյան ծննդաբերել է, երեխան մահացած է ծնվել։ Երեխայի պորտալարը վզին է փաթաթված եղել, երեւի կոնքոսկրի նեղ հատվածով դուրս գալու պահին էլ առաջացել է մահ, բայց դա փորձաքննությունը կհաստատի»:
