Հնաոճ «Ferrari» ավտոմեքենան վաճառել են 38.1 մլն դոլարով: Աճուրդում իրացվել է 1962 թվականի թողարկման «250 GTO Berlinetta» մոդելը: Գնորդի անունը չի նշվում:
Այս անգամ ստացված գումարը նման ավտոմեքենայի համար ռեկորդային չի համարվում: «250 GTO Berlinetta» մոդելը բավական հազվագյուտ է ու վաճառքի դեպքերը ցնցում են ավտոաշխարհը:
Հիշեցնենք, որ անցյալ տարի նմանատիպ մեքենան վաճառվել էր 52 մլն դոլարով: «Autonews»-ի փոխանցմամբ՝ սա առավելագույն գումարն է, որը երբեւէ վճարել են մեկ մեքենայի համար:
Ավելի վաղ «Ferrari» մակնիշի մեքենան վաճառվել էր 27.5 մլն դոլարով: Այս գումարն ԱՄՆ-ում կայացած աճուրդում տվել էին 1967 թվականի արտադրության «Ferrari 275 GTB»-ի համար:
