Գերմանիայի հետախուզական դաշնային ծառայության (BND) նախկին պետ Հանս Գեորգ Վիկը կարծում է, որ Թուրքիային տարիներ ի վեր լրտեսելու պատասխանատվության մի մասը կրում է Գերմանիայի կառավարությունը: Այս մասին նա հայտնել է Mitteldeutsche Zeitung թերթում տպագրված հարցազրույցում:
«Ես ահնար եմ համարում, որ դա ինքնակամ որոշում լիներ», - հայտարարել է Վիկը՝ նկատի ունենալով այն, որ BND-ն չէր կարող լրտեսել ՆԱՏՕ-ում Գերմանիայի գործընկեր երկիր Թուրքիային՝ առանց կառավարության համապատասխան թույլտվության:
Նման գործողությունների պատճառը, ըստ Վիկի, հավանաբար, Գերմանիայում բնակվող Թուրքիայի քաղաքացիների հետ հարաբերությունների անորոշության գործոնն էր:
«Ենթադրում եմ, որ նման որոշման պատճառն ավելի շուտ արտաքին քաղաքական նկատառումներն էին», - կարծում է Հանս Գեորգ Վիկը, ով BND-ն ղեկավարում էր 1985- 1990թթ., հայտնում է Deutsche Welle-ի ռուսական ծառայությունը: