Ըստ վերջին տվյալների` Նիգերիայի Լագոս քաղաքում եկեղեցու փլուզման հետեւանքով զոհվել է առնվազն 80 մարդ, փոխանցում է «Ֆրանս Փրեսս» գործակալությունը` վկայակոչելով փրկարարական ազգային ծառայությունը (NEMA):
Ավելի վաղ հաղորդվել էր 62 զոհերի մասին, 131 մարդ փրկվել է: Տուժել է 100 մարդ:
Իր հերթին ՀԱՀ-ի նախագահ Ջեյքոբ Զուման ավելի վաղ հայտարարել էր, որ զոհերի շարքում կա Հարավաֆրիկյան Հանրապետության 67 քաղաքացի, իսկ փլուզման պահին շենքում եղել է շուրջ 300 մարդ: Ըստ NEMA-ի ներկայացուցիչների` փրկարարական գործողությունը պետք է ավարտվեր չորեքշաբթի, սակայն ձգձգվել է, փոխանցում է «ՌԻԱ Նովոստին»:
Շաբաթ փլուզվել էր «Սինագոգը բոլոր ազգերի եկեղեցին է» կրոնական կազմակերպության հյուրատան հատվածը, որը ղեկավարում է երկրում հայտնի քարոզիչ Տեմիտոպե Բալոգուն Ջոշուան: Փլուզումը կարող էր տեղի ունենալ այն պատճառով, որ քաղաքի Իկոտուն թաղամասում գտնվող երկհարկանի շենքի վրա եւս երեք հարկ են կառուցել: Ողբերգության հստակ պատճառը փորձագետները դեռ պետք է պարզեն: