Հայաստանը, ցավոք, ներկայումս գտնվում է անկախության կորստի փուլում: Այդ մասին NEWS.am-ի թղթակցին հայտարարեց ՀԱԿ խմբակցության քարտուղար Արամ Մանուկյանը՝ գնահատելով Հայաստանի երրորդ հանրապետության ձեռքբերումներին ու բացթողումները՝ Անկախության օրվան ընդառաջ:
Պատգամավորի խոսքով՝ անկախությունը ժողովուրդների եւ պետությունների երազանքն է, մթնոլորտ, պայմաններ, որտեղ մարդիկ ապրում են հուսալիորեն եւ կանխատեսելի ապագա ունեն: «Այսինքն անկախությունը ժողովուրդներին տրված բարձրագույն արժեք է: Մեր ժողովրդին տրված էր սեփական երկրի ճակատագիրը որոշելու հնրավորություն, եւ նա այդ խնդիրը լուծեց մեծ պատվով: Դրանից հետո մենք նույն ոգով հաղթեցինք ղարաբաղյան պատերազմի դաշտում, նույն ոգով ստեղծեցինք պետական ինստիտուտներ, սկսեցինք արժանապատիվ արտաքին քաղաքականություն վարել», - ընդգծեց Արամ Մանուկյանը: Այսինքն, ինսիտուտների տեսակետից, Հայաստանը անկախ է: Սակայն վերջին տարիներին մենք անցում կատարեցինք կորուստների փուլին՝ ուրիշներին փոխանցելով երկրի ունեցվածքը, սեփական դիբանագիտությունը, սեփական արժանապատվությունը», - ցավով նշեց ՀԱԿ պատգամավորական խմբակցության քարտուղարը:
Յուրքանչյուր տարի՝ սեպտեմբերի 21-ին, Հայաստանը նշում է Անկախության տոնը: 1991թ. այդ օրը Հայաստանի ժողովուրդը համաժողովրդական հանրաքվեին քվեարկեց Խորհրդային միությունից անկախության օգտին:
