Իսրայելի վարչապետ Բենիամին Նեթանյահուն հայտարարել է կիբերպաշտպանության ազգային գործակալության աշխատանքների մեկնարկի մասին, հաղորդում է «APF»-ը:
«Նոր մարմինը պատասխանելու է ոչ միայն գլխավոր օբյեկտների եւ կազմակերպությունների պաշտպանության համար, որոնք կապված են պաշտպանության նախարարության հետ: Գործակալությունը նաեւ պաշտպանելու է իսրայելցիներին կիբերհարձակումներից»,- հայտարարել է Նեթանյահուն նախարարների նիստի ժամանակ, հաղորդում է «Gazeta.ru»-ն:
Իր հերթին Իսրայելի պաշտպանության նախարար Մոշե Յալոնը հայտարարել է, որ երկիրն էլեկտրոնային հարձակման օբյեկտ է եղել թշնամի պետությունների, ահաբեկչական խմբավորումների եւ հաքերների կողմից, սակայն հարձակումները լուրջ վնաս չեն հասցրել: