Հոկտեմբերի 1-ին, ժամը 06.30-ին տեղեկատվություն է ստացվել, որ Բաղրամյան-Օրբելի խաչմերուկում ընկած գովազդային վահանակը խոչընդոտում է երթեւեկությունը. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել երկու մարտական հաշվարկ եւ ՃԿԿ օպերատիվ խումբը:
Փրկարարներն իրականացնում են գովազդային վահանակի կառուցատարրերի մասնատման աշխատանքներ:
Ավելի վաղ, ժամը 03.00-ին ահազանգ է ստացվել, որ Երեւանի Բաղրամյան-Օրբելի խաչմերուկում տեղի է ունեցել ավտովթար («Մերսեդես» մակնիշի ավտոմեքենան բախվել է գովազդային վահանակին), կան տուժածներ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Բաղրամյան 64 հասցեի մոտակայքում «ԲՄՎ» մակնիշի 7727 JR համարանիշի ավտոմեքենան բախվել է գովազդային վահանակին. վտանգավոր ոչինչ չկա:
