Պերմի Դոբրյանկ քաղաքում արտակարգ միջադեպ է գրանցվել: Ընտանի աղվեսը հարձակվել է 8-ամյա անդամալույծ աղջկա վրա, փոխանցում է «Ինտերֆաքսը»:
Իրավապահները հայտնել են, որ գազանիկին ամռանը գնել էր աղջկա մայրը: Ինչ-որ կերպ աղվեսը սպրդել է սենյակից, որտեղ պահվում էր եւ մտել մանկասենյակ: Այնտեղ հարձակվել է հիվանդ աղջկա վրա, որը չի կարողացել պաշտպանվել:
Կենդանու հարձակման հետեւանքով երեխան կծածների բազմաթիվ հետքերով տեղափոխվել է հիվանդանոց: Գործով զբաղվում է ոստիկանությունը: Առաջիկայում գնահատական կտրվի տուժած երեխայի ծնողների գործողություններին, նաեւ կպարզվի՝ արդյոք անտառային գազանին պահելիս ապահովվե՞լ էր երեխայի անվտանգությունը, թե՞ ոչ:
