Տաջիկստանի ՆԳՆ աշխատակիցները հատուկ գործողության ընթացքում տաջիկա-աֆղանական սահմանին 100 կգ թմրանյութ են գտել եւ առգրավել, հաղորդում է «ՌԻԱ նովոստին»՝ վկայակոչելով ՆԳՆ մամուլի ծառայության ղեկավար Ջալալիդդին Սադրիդինովին:
«Գաղտնարանը հայտնաբերվել է Խաթլոնի մարզի Շուրոաբադի շրջանի Նովաբադ ղշլաղի մոտ գտնվողն քարանձավում (Դուշանբեից 230 կմ հարավ): Այնտեղ եղել է 5 պարկ թմրանյութ, ընդհանուր ծավալը՝ 105 կգ»,-ասել է նա:
Փաստի առթիվ հարուցվել է քրեական գործ, ընթանում են օպերատիվ հետախուզական միջոցառումներ՝ պարզելու, թե ում է պատկանում թմրամիջոցը:
