![](img/news/23/49/24/default.jpg)
ԱՄՆ-ի նախագահ Բարաք Օբաման հոկտեմբերի 19-ի հանրահավաքին իր ելույթով աջակցել է Մերիլենդի նահանգապետի դեմոկրատ թեկնածուին, սակայն նրա ելույթը տապալվել է. ընտրողներն սկսել են լքել հանրահավաքը, հայտնում է Reuters-ը:
«Դուք պետք է քվեարկեք», - անընդհատ կրկնել է Օբաման` Մերիլենդ նահանգի հանրահավաքում պաշտպանելով թեկնածու Էնթոնի Բրաունին: «Այլեւս ոչ մի պատճառաբանություն: Ապագան մեզանից է կախված», - ասել է Օբաման:
Դպրոցի մարզասրահում տեղի ունեցող հանրահավաքին ներկա է եղել շուրջ 8000 հավանական ընտրող: Սակայն մարդկանց հոսքը շարունակվել է, ինչն Օբամային ստիպել է ընդհատել ելույթը:
Աղբյուրը նաեւ նշում է, որ դեմոկրատական կուսակցության բազմաթիվ թեկնածուներ դեմ են Օբամայի ներկայությունը նախընտրական միջոցառումներին` նախագահի ցածր վարկանիշի պատճառով: