ԱՄՆ քաղաքացի Գրեգորի Ռ.-ին ծեծի ենթարկողներից մեկը հայտնաբերվել է: Ավելի վաղ NEWS.am-ը հայտնել էր, որ սեպտեմբերի 22-ին ոստիկանության Կենտրոնականի բաժնում հաղորդում էր ստացվել «Ջիպ» եւ «Սեդան» մակնիշի ավտոմեքենաներում գտնվող անհայտ անձանց կողմից ԱՄՆ քաղաքացի Գրեգորի Ռ.-ին ծեծի ենթարկելու եւ վնասվածքներ պատճառելու մասին:
Ոստիկանության մամուլի ծառայությունից հայտնում են, որ ոստիկանության Մարաշի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ՝ բաժանմունք է ներկայացել 22-ամյա Սարգիս Կ.-ն եւ հայտնել, որ սեպտեմբերի 21-ին, ժամը 19.00-ին, Սայաթ-Նովայի պողոտայի եւ Ա. Մանուկյան փողոցի խաչմերուկում Գրեգորի Ռ.-ին ծեծի են ենթարկել ինքը եւ իր ընկերը` ՌԴ քաղաքացի, 21-ամյա Ռաֆիկ Ե.-ն:
Ձեռնարկվում են միջոցառումներ վերջինիս հայտնաբերելու ուղղությամբ:
Կատարվում է քննություն: