Հոկտեմբերի 19-ին, ժամը 02.15-ին, ոստիկանության «Զվարթնոց» օդանավակայանի գծային բաժնի ծառայողների ձեռնարկած օպերատիվ-հետախուզական միջոցառումների շնորհիվ՝ Մոսկվա-Երեւան չվերթի ինքնաթիռի ժամանումից հետո բերման է ենթարկվել 36-ամյա Արթուր Ա.-ն:
Ոստիկանության մամուլի ծառայությունից հայտնում են, որ նա փետրվարի 5-ից ոստիկանության Մալաթիայի բաժնի կողմից հետախուզվում էր ՀՀ քրեական օրենսգրքի 322 հոդվածի /ինքնիրավչությունը/ 1-ի մասի, 117 /դիտավորությամբ առողջությանը թեթեւ վնաս պատճառելը/ եւ 118 հոդվածների /ծեծը/ մեղադրանքով: