Նոյեմբերի 1-ին, ժամը 01.41-ին ահազանգ է ստացվել, որ Երեւանի Դավիթ Անհաղթի փողոցի թիվ 18 շենքի մոտակայքում վթար ՝ եղել:
Դեպքի վայր է մեկնել մեկ մարտական հաշվարկ, հատուկ նշանակության փրկարարական աշխատանքների իրականացման կենտրոնի հերթապահ եւ ՃԿԿ օպերատիվ խմբերը:
Պարզվել է, որ դեռեւս չբացահայտված հանգամանքներում «Հունդայի» մակնիշի ավտոմեքենան (վարորդ՝ 1976 թ. ծնված Օ. Ս.) դուրս է եկել ճանապարհի երթեւեկելի հատվածից եւ բախվել սյանը, ինչի հետեւանքով Օ. Ս.-ը տեղում մահացել է: Ավտոմեքենայի ուղեւոր` 1981 թ. ծնված Ռ. Կ.-ը տարբեր աստիճանի մարմնական վնասվածքներով հոսպիտալացվել է «Սուրբ Գրիգոր Լուսավորիչ» ԲԿ: Բժիշկները տուժածի առողջական վիճակը գնահատում են բավարար:
Հրշեջ-փրկարարները Օ. Ս.-ի դին մոտեցրել են շտապօգնության ավտոմեքենային եւ հոսանքազրկել ավտոմեքենան:
