«Հայազն» կուսակցությունը նպատակ ունի վերացնել Հայաստանում գործող կուսակցություններին, այդ թվում՝ իրենց: Այս մասին այսօր՝ նոյեմբերի 8-ին, Հայազն կուսակցության երկրորդ համագումարին հայտարարեց «Հայազն» կուսակցության վարչության անդամ Արմեն Աղայանը։
«Իշխանափոխությունը պետք է սկսել ընդդիմությունափոխությունից եւ դա վերաբերում է ոչ այնքան կոնկրետ կուսակցություններին, որքան՝ ընդդիմության տեսակին»,-ասաց նա:
Արմեն Աղայանի խոսքով՝ երկրում բարեփոխումներ իրականացնելու համար ընդդիմությունը պետք է հրաժարվի ռևանշիզմից, կռապաշտությունից և ունենա գաղափարական նպատակներ:
«Հայազն» կուսակցության ներկայացուցիչը համոզված է, որ արդյունավետ կարող է լինել այն ընդդիմությունը, որն իշխանափոխությունից բացի կառաջարկի ազգային նպատակներ և դրանց հասնելու հստակ ծրագրեր:
«Արդյունավետ կարող է լինել այն ընդդիմությունը, որը կղեկավարվի ոչ թե անհատի, այլ՝ թիմի կողմից, իսկ առաջնորդող թիմը չպետք է լինի ինքնահռչակ: «Հայազնը» որևէ դաշինքի կողքին տրամադրված չէ գտնվել, փոխարենը մեր դռները բաց են բոլոր համակիրների համար»,- ասաց Աղայանը:
