Մեքսիկայի իշխանությունները խոստանում են առավելագույն ջանքեր գործադրել՝ պարզելու համար, թե ուր են կորել սեպտեմբերի վերջին անհետացած 43 ուսանողները։ Այդկերպ նրանք ցանկանում են վերականգնել ժողովրդի վստահությունը։
Նախագահ Էնրիկե Պենյա Նյետոյի մամուլի քարտուղարը հայտնել է, որ երկրի իշխանություններն այժմ աշխատում են իրավական բարեփոխման վրա, որը կոչված է երկրում վերականգնել օրենքի գերակայությունը։
Մեքսիկայում շարունակվում են բողոքի զանգվածային ցույցերը՝ սեպտեմբերի 26-ին Իգուալա քաղաքում 43 ուսանողներ անհետացման հետ կապված, փոխանցում է BBC-ի ռուսական ծառայությունը։
Բոլոր 43 ուսանողները մասնակցում էին ոստիկանության հետ բախումների հանգեցրած ցույցին։ Ականատեսները հայտնել էին, որ ուսանողներին տարել են ոստիկանական մեքենաներով։
Իգուալայի քաղաքապետը դաշնային ոստիկանության կողմից կալանավորվել է առեւանգում կազմակերպելու կասկածանքով։