Վրաստանի նախկին նախագահ Միխայիլ Սահակաշվիլիի նկատմամբ նոր մեղադրանք է առաջադրվել, որը վերաբերում է 2006թ. «Վրաստանի միավորված բանկի» աշխատակից Սանդրո Գիրգվլիանիի սպանությանը: «Պաշտոնեական դիրքի չարաշահում» հոդվածը, որոց մեղադրվում է Վրաստանի նախկին նախագահը, նախատեսում է 3-5 տարվա ազատազրկում:
«Մարդու իրավունքների Եվրոպական դատարանի հանձնարարականի հիման վրա իրականացված հետաքննությունը հաստատեց, որ մենք գործ ունենք համակարգային հանցագործության հետ», - ասվում է նոյեմբերի 27-ին հրապարակված գլխավոր դատախազության հայտարարության մեջ, հայտնում է «Վրաստանի նորությունները»
Ընդ որում, նշվում է, որ «Ալեքսանդր Գիրգվլիանիի դեմ հանցագործության թաքցնելն ու հետաքննության կեղծումը» իրականացվել է ներքին գործերի նախարար Իվանե Մերաբիշվիլիի, Սահմանադրական անվտանգության վարչության տնօրեն Դավիդ Ախալիայի, Պատիժների կատարման վարչության պետ Բաչան Ախալիայի, գլխավոր դատախազության եւ Վրաստանի նախկին նախագահ Միխայիլ Սահակաշվիլիի համաձայնեցված գործողությունների արդյունքում:
«Վրաստանի միավորված բանկի» աշխատակից Սանդրո Գիրգվլիանիին սպանված են գտել 2006թ. հունվարի 28-ին, թբիլիսյան բարերից մեկում ՆԳՆ-ի պաշտոնյանների հետ վեճից հետո:
