Այսօր՝ հուլիսի 4-ին Ջերմուկ քաղաքում կայացել են քաղաքապետի ընտրությունները:
Ընտրություններին մասնակցում էին երկու թեկնածուներ՝ գործող քաղաքապետ, Հանրապետական կուսակցության ներկայացուցիչ Վարդան Հովհաննիսյանն ու անկուսակցական Զորիկ Վարդանյանը: Ընտրություններն անցել են առանց միջադեպերի: Տեղամասերը փակվել են ժամը 20-ին: Այս պահին ամփոփվել են 4 տեղամասերից 3-ի արդյունքները, ըստ որոնց մեծ առավելությամբ՝ մոտ 80 տոկոս, առաջատարը գործող քաղաքապետ Վարդան Հովհաննիսյանն է: Ընդհանուր արդյունքները կամփոփվեն քիչ ավելի ուշ:
Ի դեպ, ընտրություններից առաջ երկու թեկնածուն էլ համոզմունք էին հայտնել, որ հենց իրենք են հաղթելու քաղաքապետի ընտրություններում: