Ծայրահեղական, իսլամիստական շարժումը Ադրնեջանում դառնում է մե, եթե ոչ ամենամեծ խնդիրը, քանի որ երկրի ներսում տարբեր կրոնական ուղղությունների միջեւ հակասությունները զգալի են: Այս մասին, այսօր՝ դեկտեմբերի 3-ին, ասուլիսի ժամանակ հայտարարել է Ադրբեջանի հարցերով փորձագետ Սարգիս Ասատրյանը:
Նրա խոսքով՝ սոցիալական ցանցերում, բազմաթիվ խմբեր են ստեղծվում, որոնք կոչ են անում միանալ «Իսլամական պետությանը»: «Ծայրահեղականները արմատներ են գցել ադրբեջանում, կապեր են ստեղծել տեղի գործարարների ու պաշտոնյաների հետ, սերտորեն համագործակցում են նրանց հետ: Կա նաեւ տեղեկատվություն, որ Բաքվում ծայրահեղական կրոնական շարժումները սուպերմարկետների մեծ ցանց են ստեղծել»,-ասել է Սարգիս Ասատրյանը:
Նրա կարծիքով՝ դժվար է ասել՝ ինչ տեղի կունենա Ադրբեջանում, եթե Իլհամ Ալիեւի ռեժիմի վերահսկողությունը երկրում թուլանա: