Մեծ Բրիտանիայի նախկին վարչապետ Ուինսթոն Չերչիլի հարազատները մտահոգություն են ունեցել, որ վերջինս կարող էր ընդունել իսլամ: Այդ մասին վկայում են դեկտեմբերի 29-ին բրիտանական լրատվամիջոցներում հրապարակված նամակները:
Քեմբրիջի համալսարանի հետազոտող Ուորեն Դոքթերը հայտնաբերել է Դվնդոլին Բերտիի նամակը, ով հետագայում ամուսանցել է վարչապետի եղբոր՝ Ջեքի հետ: Այն գրվել է 1907թ.: «Խնդրում եմ, մի ընդունիր իսլամ: Ես քո մեջ արեւելյան հակումներ եմ նկատում», - գրում է Բերթին: Ի պատասխան՝ Չերչիլը գրել է, որ «կցանկանար լինել մահմեդական»:
Գիտնականի խոսքով՝ վարչապետը երբեք լրջորեն չի մտածել իսլամ ընդունելու մասին: «Այդուհանդերձ, նա հիանում էր մահմեդական մշակույթով», - նշել է Դոքթերը, հայտնում է «Lenta.ru»-ն:
Բրիտանացի վարչապետը Սուդանում իր սպայական ծառայության ժամանակ ծանոթացել էր մահմեդական կրոնի եւ մշակույթի հետ, բացի այդ նրա ընկերն էր արաբագետ եւ պոետ Ուլֆրիդ Բլանթը: Սակայն թեեւ նրանք ընկերների էին եւ «Բլանտի էքսցենտրիկ երեկույթների ժամանակ արաբական հագուստ էին կրում, այնուամենայնիվ, ցանկացած հարցի շուրջ հազվադեպ էին համաձայնության գալիս»:
1940թ. Չերչիլը պատերազմում երկրի մահմեդականների վստահությունը շահելու համար հավանություն էր տվել Լոնդոնում կենտրոնական մզկիթի շինարարության ծրագրերին եւ այդ նպատակի համար 100 հազար ֆունտ էր առանձնացրել: