Բլագովեշչենսկում երեք գործընկերներին սպանած ՌԴ Կենտրոնական բանկի Ամուրի մարզի գլխավոր վարչության ղեկավարի տեղակալը տեւական տարաձայնություններ է ունեցել նոր ղեկավարության հետ: Այս մասին «Ինտերֆաքսին» հայտնել է բանկի աղբյուրը:
«Ներողություն, իրերը կոչեմ իրենց անուններով, սակայն մինչ այդ իսկական հետապնդում էր: Չնայած, իհարկե, ոչինչ չի արդարացնում սպանությունը, ես իսկապես խղճում եմ զոհերին, հուսով եմ, որ քննությունն ամեն ինչ կպարզի», — ասել է աղբյուրը: Սակայն նա հերքել է այն լուրը, որ իբր Լեւկինին առաջարկել են փոխել աշխատանքը եւ բարապան դառնալ:
Ըստ քննության՝ միջադեպից առաջ բանկի վարչության ժողով է տեղի ունեցել, որի ժամանակ քննարկվել են կադրային փոփոխությունները, որոնք կարող էին վերաբերվել նաեւ Լեւկինին:
Հիշեցնենք, հունվարի 27-ին Բլագովեշչենսկում ՌԴ Կենտրոնական բանկի Ամուրի մարզի գլխավոր վարչության ղեկավարի տեղակալը գնդակահարել էր երեք գործընկերների, ապա ինքնասպան եղել:
