Հունաստանն ու Եվրախումբը դեռեւս համաձայնության չեն եկել Հունաստանին հատկացվեղ օգնության պայմանների կատարման հարցի շուրջ։ Բանակցությունները կշարունակվեն փետրվարի 16-ին։ Այդ մասին հերթական հանդիպման ավարտին հայտարարել է Եվրախմբի նախագահ Երուն Դեյսելբլումը։
«Մենք կառուցողական ու հագեցած քննարկում ենք ունեցել եւ որոշակի առաջընթաց ենք գրանցել։ Սակայն այն դեռեւս բավարար չէ ընդհանուր հայտարարի գալու համար։ Այս փուլում մենք հիմքեր չենք տեսնում համատեղ հայտարարություն նախապատրաստելու համար։ Բանակցությունները կշարունակվեն նաեւ երկուշաբթի»,- մեջբերում է նրան ՏԱՍՍ-ը։
Իր հերթին Հունաստանի ֆինանսների նախարար Յանիս Վարուֆակիսը հայտնել է, որ Հունաստանը շարունակում է պնդել Եվրախմբի հետ օգնության մասին նոր համաձայնություն ստորագրելու հարցում։
Նա նաեւ հույս է հայտնել, որ փետրվարի 16-ին կայանալիք Եվրախմբի պլանային հանդիպման ժամանակ իրենք փոխհամաձայնության կգան։
«Կարծում եմ, երկուշաբթի մենք կկարողանանք հասնել համաձայնության, որը կփրկի երկիրը»։
