Արմավիրի քաղաքապետի ընտրություններում առաջադրված թեկնածուներից եւս մեկը՝ ՀՀԿ-ական, Արմավիրի մարզպետի օգնական Նվեր Պետրոսյանը։ ինքնաբացարկ է հայտարարել: NEWS.am-ը Կենտրոնական ընտրական հանձնաժողովից տեղեկացավ, որ մնացել է միայն մեկ թեկնածու՝ Արմավիրի գործող քաղաքապետ, Ռուբեն Հայրապետյանի խնամի Ռուբեն Խլղաթյանը
Ավելի վաղ ինքնաբացարկի դիմում էր ներկայացրել «Պարիտետ Ինվեստ» ընկերության գլխավոր տնօրեն, ՀՀԿ անդամ Մանուկ Սիմոնյանը, քաղաքապետի տեղակալ Մելիք Բաղդասարյանը, անկուսակցական Էդվարդ Վարդումյանը եւ ՀՀԿ-ական պատգամավոր Նահապետ Գեւորգյանի՝ Նովոյի անկուսակցական որդին Արտակ Գեւորգյանը, ով պարբերաբար հայտնվում է սկանդալների կենտրոնում:
Ի դեպ, ինքնաբացարկի մասին դիմում կարող են ներկայացնել մինչեւ մարտի 5-ը, ժամը 18-ը: Նախընտրական քարոզչությունը անց է կացվելու փետրվարի 25-ից մարտի 13-ը, իսկ ընտրությունները կայանալու են մարտի 15-ին:
Հիշեցնենք, որ ՀՀԿ-ն հայտարարել էր, թե դաշտը բաց է թողնում եւ ոչ մեկին չի սատարելու: