![](img/news/25/59/12/default.jpg)
Ռուսաստանում զինված հարձակման հետեւանքով զոհվել է մի ադրբեջանցի։ Ինչպես հաղորդում է ԱՊԱ ադրբեջանական գործակալությունը, վկայակոչելով ՌԴ-ում բնակվող տղամարդու հայրենակիցներին, միջադեպը տեղի էր ունեցել Վորոնեժի շրջանում։ 1978թ. ծնված Շահին Հասանովը ՌԴ քաղաքացին էր։ Անհայտ անձինք դանակի հարվածներ էին հասցրել նրան։ Հանգուցյալի դին տեղափոխվել է նրա ծննդավայր՝ Ադրբեջանի Զաքաթալայի շրջան։
Հանգուցյալի հայրենակիցների խոսքով՝ նրա եղբայր Հասան Հասանովը, որը դատապարտված էր ցմահ ազատազրկման ծանր հանցագործության համար, մի քանի տարի առաջ ռուսական բանտում մահացել էր։
Սպանված Շահին Հասանովը Ռուսաստանում ձեռներեցությամբ էր զբաղվում։