Կարելի է ԲՀԿ-ի եւ «Ժառանգության» հետ նոր ծրագրերի մշակման եւ իրականացման հույս ունենալ: Այս մասին, այսօր՝ մարտի 27-ին, ԱԺ-ում ճեպազրույցների ժամանակ նշել է ՀԱԿ խմբակցության քարտուղար Արամ Մանուկյանը:
Հարցին՝ ՀԱԿ-ի ներկայացուցիչները հանդիպե՞լ են ԲՀԿ-ի հիմա արդեն նախկին առաջնորդ Գագիկ Ծառուկյանի հետ, Մանուկյանը բացասական պատասխան է տվել:
«ԲՀԿ-ն այս պահին վերակազմավորման, խորհրդակցելու փուլի մեջ է, որը չի ավարտվել: Մենք համբերատար կսպասենք»,- նշել է Մանուկյանը:ՀԱԿ խմբակցության քարտուղարը:
Արամ Մանուկյանը կողմ է այդ ուժերի հետ խորհրդարանում համագործակցությանը:
«Մեզ պետք է միասնություն: Անկեղծ ասենք, միայն մեր ձայները չի բավարարում լուրջ ընդդիմադիր բլոկ ձեւավորելու համար: Հույս ունեմ, որ ԲՀԿ-ի ու «Ժառանգության» հետ կկարողանանք աշխատել նոր ձեւաչափով: Նրանց հետ մարդկային շփումները մնում են, հույս ունեմ, որ մենք իրար հետ ծրագրեր կիրականացնենք»,-ասել է Մանուկյանը: