Հայաստանն ու միջազգային հանրությունը բազմիցս հայտարարել են, որ հայ-թուրքական հարաբերությունների կարգավորումը պետք է ընթանա առանց նախապայմանների։ Այս մասին NEWS.am-ի  հետ զրույցում հայտարարել է ԱԳՆ մամուլի խոսնակ Տիգրան Բալայանը՝ մեկնաբանելով ԱԳՆ ղեկավար Մեվլյութ Չավուշօղլուի հայտարարությունը։

«Հենց այդ սկզբունքի հիման վրա էր 2008թ. սկսվել Թուրքիայի հետ հարաբերությունների կարգավորման գործընթացը։ Նման ընդհանուր հասկացությամբ մենք սկսեցինք գործընթացը եւ եկանք համաձայնության։ Թե՛ մեր թուրք գործընկերների հետ կնքած պայմանագրերում, թե՛ հրապարակայնորեն մենք հստակ հայտարարել են, որ Հայաստանը երբեք Ցեղասպանության փաստը հարցականի տակ չի դնի կամ չի վիճարկի դրա միջազգային ճանաչման կարեւորությունը։ Ինչ վերաբերում է Լեռնային Ղարաբաղի խնդրին, եթե Թուրքիան ցանկանում է օգնել կարգավորման գործընթացին, ապա թող հնարավորինս հեռու մնա այդ գործընթացից»,- նշեց Տիգրան Բալայանը։

Նշենք, որ NTV հեռուստաընկերությանը տված հարցազրույցում Չավուշօղլուն հայտարարել էր, որ Հայաստանի հետ հարաբերությունները կկարգավորվեն, երբ  Հայաստանը հրաժարվի Հայոց ցեղասպանությունից եւ «օկուպացրած» տարածքներից։