Մակեդոնիայում գնացքը բախվել է միգրանտների ամբոխի մեջ. 14 մարդ զոհվել է: Ողբերգությունը տեղի է ունեցել երկրի կենտրոնական մասում գտնվող Վելես քաղաքից ոչ հեռու: Ոստիկանության տվյալներով՝ Սոմալիից եւ Աֆղանստանից մեկնած միգրանտների խումբն անցել է նեղ կիրճի միջով, մարդիկ ընթացել են երկաթուղային ճանապարհներով եւ մեքենավարը չի հասցրել կանգնեցնել գնացքը, հաղորդում է Reuters-ը:
Lenta.ru-ն նշում է, որ նախկին հարավսլավական երկրի՝ Մակեդոնիայի տարածքով է անցնում ապօրինի միգրանտների խոշորագույն երթուղիներից մեկը: Քանի որ ալբանա-մակեդոնական եւ մակեդոնա-սերբական սահմանները թույլ են պահպանվում, ներգաղթյալները առանց դժվարության Մակեդոնիայից ներթափանցում են Ալբանիա, այնուհետեւ Սերբիայի միջով փորձում են հասնել Հունգարիա: