«Ռոսնեֆտ»-ի գազային բիզնեսը կարող է առանձնանալ որպես ինքնուրույն դուստր կառույց։ Այս մասին գրում է Forbes-ը՝ վկայակոչելով գործընթացին ծանոթ իր աղբյուրները։

Նոր «դուստրը» կարող է ստանալ «Ռոսնեֆտ գազ» անվանումը, իսկ նրա ղեկավարը կարող է դառնալ «Ռոսնեֆտի» փոխնախագահ Վլադա Ռուսակովան, որը տարիներ շարունակ աշխատել է «Գազպրոմ»-ում։

Գազային բիզեսնի առանձնացումը կարող է նշանակել, որ «Ռոսնեֆտը» պատրաստվում է խողովակային գազի արտահանման ոլորտում մրցակցել «Գազպրոմ»-ի մենաշնորհի հետ։ Նման կարծիք է հայտնել East European Gas Analysis-ի տնօրեն Միխայիլ Կորչեմկինը։

«Ռոսնեֆտ»-ը Ռուսաստանում մեծությամբ 3-րդ գազ արտադրող ընկերությունն է։ 2014թ. նավթային ընկերությունը հանքահանել է 56.7 մլրդ խ/մ գազ։