Մեծ Բրիտանիան եւ ՆԱՏՕ-ն Մոսկվայի եւ Արեւմուտքի լարված հարաբերությունների ֆոնին խոշորամասշտաբ զորավարժություններ են սկսել Ռուսաստանի հետ «սահմանին», գրում է The Telegraph-ը։ Ավելի վաղ հաղորդվում էր, որ Նորվեգիայի ափերին մեկնարկել են «Ճարպիկ մանգուստ» զորավարժությունները, որոնցում կմասնակցեն ավելի քան տաս մարտական նավեր եւ ավիացիա, գրում է Gazeta-ն։
«Ճարպիկ մանգուստ»-ը մեկնարկել է ռուսական սուզանավերի հայտնվելու մասին շրջանառվող տեղեկություններից մի քանի շաբաթ անց։ Մայիսի սկզբին Լատվիան հայտարարել էր, որ իր սահմանների մոտ ռուսական սուզանավեր է հայտնաբերել։
Այս զորավարժությունները անցկացվում են Արեւմուտքի եւ Ռուսաստանի միջեւ Ուկրաինայի պատճառով սրված հարաբերությունների ֆոնին։ Կարծիք կա, որ Բալթյան երկրները կարող են դառնալ հաջորդ թիրախը։
