Ամերիկյան օդուժը Սիրիայում հարվածել է «Ալ-Նուսրա» խմբավորման ճամբարներից մեկին։
Թուրքական NTV-ի փոխանցմամբ՝ ամերիկյան ավիահարվածների հետեւանքով սպանվել է ահաբեկչական «Ալ-Նուսրա» խմբավորման 15 անդամներ, որոնք հանդիսացել են Թուրքիայի քաղաքացիներ։
Սիրիայի մարդու իրավունքների ուսումնասիրման գրասենյակը հաստատել է ավիահարվածների ու դրանց արդյունքում Թուրքիայի քաղաքացիների սպանվելու փաստը՝ նշելով, որ ավիահարվածներն ուղղված են եղել Հալեպի արեւմուտքում գտնվող Թավա գյուղում գտնվող «Ալ-Նուսրա»-ի ճամբարին։
Հիշեցնենք, որ 2015-ի մարտին «Ալ-Նուսրա»-ի անդամները Թուրքիայի տարածքից հարձակվել էին Սիրիայի հայաբնակ Քեսաբ ավանի վրա, որի ազատագրումը տեղի ունեցավ ամիսներ անց։