Բուրունդիի ավելի քան 100 հազար բնակիչ որոնց մեծ մասը՝ կանայք եւ երեխաներ, լքել է երկիրը անկարգությունների եւ բախումների ֆոնին։ Այս մասին Ժնեւում հայտնել է ՄԱԿ Մանկական հիմնադրամը։
«Բուրունդիում ներկայիս անկարգությունները հարկադրել են ավելի քան 110 հազար մարդու փախչել հարեւան երկրներ։ Նրանց մեծ մասը կանայք եւ երեխաներ են։ Հիմնականում նրանք տեղափոխվել են Տանզանիա, որտեղ խոլերայից մահացել է 27 մարդ»,- գրում է ՏԱՍՍ-ը։
Բուրունդիի մայրաքաղաք Բուժումբուրում հակամարտության պատճառով բնակիչները լքում են իրենց երկիրը եւ տեղափոխվում Ռուանդա, Կոնգոյի Ժողովրդավարական Հանրապետություն եւ Տանզանիա, որտեղ ՄԱԿ Մանկական հիմնադրամը իր գործընկերների հետ միասին աշխատում է նրանց առողջ սնունդ, ջուր, հիգիենիկ պայմաններ ապահովելու համար։
