Ուկրաինայի եւ Եվրամիության միջեւ Ասոցացման համաձայնագրի վավերացման գործընթացը ԵՄ անդամ 18 երկրներ ամբողջությամբ ավարտել են, իսկ 4 պետություններ դեռեւս չեն էլ սկսել դիտարկել այն: Այս մասին մայիսի 21-ին Ռիգայում «Արեւելյան գործընկերության» գագաթաժողովի մեկնարկից առաջ հայտարարել է Ուկրաինայի նախագահ Պյոտր Պորոշենկոն:
«Այսօր 18 երկրներ ամբողջությամբ ավարտել են վավերացման գործընթացը, եւ Ուկրաինան արդեն ստացել է դրանք: Եվս 2 երկրներում, խորհրդարանում քվեարկությունից հետո, փաստաթղթերը գնացել են ստորագրման: Չորս երկրներ էլ Համաձայնագիրը վավերացրել են խորհրդանի պալատներից մեկում, եւ մենք վստահ ենք, որ առաջիկայում վավերացումն ավարտին կհասցվի: Եվ միայն 4 երկրներ են մնացել, որոնցից մենք վճռական քայլեր ենք սպասում»,- ասել է Պորոշենկոն:
