Արդարադատության նախարար Գեւորգ Դանիելյանն այսօր` օգոստոսի 5-ի կառավարության նիստում անդրադարձել է ԱԺ «Ժառանգություն» խմբակցության օրենսդրական այն նախաձեռնությանը, որով առաջարկվում է հունիսի 29-ը նշել որպես «Անհայտ կորած ազատամարտիկի հիշատակի» օր։ Նախարարը հայտարարեց, որ կառավարության դիրքորոշումը բացասական է՝ որոշ վերապահումներով։
«Շատ ենք նման առաջարկություններ ստանում։ Կա կառավարության հանձնարարականը՝ մշակել հայեցակարգ, թե ինչը պետք է հիմք ընդունել այս կամ այն օրը տոն կամ հիշատակի օր սահմանելու համար։ Այսպիսի հատվածական առաջարկները ընդունելի չեն»,- մերժումը պատճառաբանեց արդարադատության նախարարը։
