Բրազիլիայում ավետարանականների մի խումբ սոցցանց է ստեղծել, որտեղ հայհոյանքն ու էրոտիկան իսպառ արգելված են: Այս մասին հաղորդում է BBC-ն:
Կայքում արգելված է 600 բառ, իսկ «հավանել» կոճակի փոխարեն գործում է «ամեն»-ը: Այստեղ արգելված են նաեւ նույնասեռականների թեմատիկայով նյութերը:
Facegloria սոցցանցի հեղինակների հավաստմամբ, թողարկման պահից ի վեր այն արդեն 100 հազար օգտատեր ունի:
Ըստ Ռոսբալտի, Բրազիլիայում գոյություն ունի աշխարհի ամենամեծ կաթոլիկ-քրիստոնյաների համայնքը եւ, պետության պաշտոնական կայքի համաձայն, բնակիչների միայն 1%-ը չի հավատում Աստծուն կամ որեւէ այլ տեսքով բարձրագույն էակի գոյությանը:
Facegloria-ն առայժմ միայն պորտուգալերեն է, սակայն առաջիկայում նախատեսվում է գործարկել նաեւ այլ լեզուներով: