Լատվիայի նոր նախագահ Ռայմոնդ Վեյոնիսը տվել է իր նախագահական երդումը եւ պաշտոնապես ստանձնել նախագահի պաշտոնը, հայտնում է Delfi-ն։
«Երդվում եմ, որ իմ ողջ աշխատանքը նվիրված է լինելու լատվիացի ժողովրդի բարօրությանը։ Իմ ուժերի սահմաններում ես կանեմ ամեն բան, որպեսզի նպաստեմ Լատվիայի պետության եւ նրա բնակիչների բարեկեցությանը»,- հայտարարել է Վայոնիսը սեյմում կայացած հանդիսավոր արարողության ժամանակ, գրում է Gazeta-ն։
Նշենք, որ նախքան երկրի խորհրդարանի կողմից նախագահ ընտրվելը Վայոնիսը զբաղեցնում էր պաշտպանության նախարարի պաշտոնը։