Օգոստոսի 10-12-ին Տավուշում տեղի է ունեցել դասընթաց` «Արդյունավետ ժողովրդավարական կառավարում եւ խորհրդի կազմավորում» թեմայով:
Դասընթացը վարել են Եվրոպայում նման սեմինարներ անցկացնելու մեծ փորձ ունեցող թրեյներներ: Սեմինարը նախատեսված էր Երիտասարդական միջոցառումների կազմակերպման մարզային կենտրոնների աշխատակիցների եւ կամավորների համար եւ միտված էր մարզային կենտրոնների աշխատակիցների կարողությունների ու հմտությունների զարգացմանը: Ծրագրի նպատակն էր նաեւ աջակցել ժողովրդավարական կառավարման խորհուրդների զարգացմանը երիտասարդական կենտրոններում:
Նշենք, որ 2010 թվականի ընթացքում եւս երեք նման ուսուցողական դասընթացներ են կազմակերպվել երիտասարդական միջոցառումների կազմակերպման մարզային կենտրոնների աշխատակիցների համար Կապանում, Գյումրիում եւ Վանաձորում:
