Իսպանիայի ազգային ոստիկանությունը երկրի մայրաքաղաքում բանկային քարտերով 75 հազար եվրոյի չափով խարդախություն իրականացնելու կասկածանքով 12 մարդու է կալանավորել։ Այս մասին ասված է իրավապահ մարմինների տարածած հայտարարության մեջ, գրում է ՏԱՍՍ-ը։

Ոստիկանության տեղեկություններով՝ կալանավորվածները տարբեր մարդկանց քարտերից քաշում էին տեղեկությունները եւ կրկնօրինակներ ստեղծում, որոնց միջոցով նրանք բանկից գումար էին հանում կամ խարդախների հետ համագործակցող ընկերություններից ակտիվ գնումներ կատարում։

Կալանավորվածների թվում են Դոմինիկյան Հանրապետության 10 քաղաքացի, մեկ բրազիլացի եւ մեկ իսպանացի։