Չինաստանում ավտոբուսի վարորդը փրկել է իր եւ ուղեւորների կյանքը՝ արագ կողմնորոշվելով արտակարգ իրավիճակում։ Միջադեպը տեղի էր ունեցել հուլիսի 25-ին Սյամեն քաղաքում։ Աշխատանքի ժամանակ 47-ամյա տղամարդը հանկարծ ցավեր էր զգացել, սակայն հասցրել էր արգելակել։ Հաջորդ վայրկյանին նա կորցրել էր գիտակցությունն ու ընկել ղեկի վրա, գրում է Shanghaiist կայքը։

Ավտոբուսում տեղադրված տեսախցիկը ֆիքսել է, թե ինչպես է վարորդի բերանից եւ քթից արյուն հոսում, իսկ հագուստն ամբողջովին արնաշաղախ է, գրում է Newsru-ն։

Ուղեւորները փորձել են նրան օգնություն ցուցաբերել եւ շտապ օգնություն են կանչել։ Հիվանդանոցում բժիշկները նրա մոտ ախտորոշել են ստամոքսաղիքային արյունահոսություն։