ԱՄՆ Արեւմտյան Վիրջինիա նահանգի ոստիկանությունը հետաքննում է 45-ամյա Նիլ Ֆոլսի սպանությունը, որին կասկածում են մարմնավաճառների սպանության մեջ։ Նախնական տեղեկությունների համաձայն՝ սերիական մարդասպանի հետ հաշվեհարդար է տեսել նրա պոտենցիալ զոհերից մեկը։
Մարմնավաճառուհին հայտարարություն էր տեղադրել համացանցում, որից հետո նրա հետ կապ էր հաստատել Ֆոլսը, հայտնում է CBS News-ը։
Տղամարդը, ժամանելով կնոջ տուն, անմիջապես շեմքից նրա վրա էր պահել ատրճանակը։ Կինը հասցրել էր ճանկել ձեռքի տակ հայտնված փոցխը եւ խլել ատրճանակը, որով եւ սպանել էր Ֆոլսին։
Տնից փախչելուց հետո կինը կատարվածի մասին տեղյակ էր պահել հարեւանին եւ զանգահարել փրկարար ծառայություն։
Ոստիկանությունը հակված է այն վարկածին, որ կինը գործել է ինքնապաշտպանությունից դրդված, ուստի նրա դեմ քրեական գործ չի հարուցվի, հայտնում է NEWSru-ն։
Քննիչները տղամարդու մեքենայի մեջ զենքի տեսականի են հայտնաբերել եւ չեն բացառում, որ նա կապ ունի մի քանի նահանգներում մարմնավաճառուհիների սպանությունների մեջ, որոնք հաճախորդներ էին փնտրում համացանցում։