Բիրմայում (Մյանմա) ջրհեղեղների զոհերի թիվն առաջիկա օրերին աճելու է: Նման նախազգուշացմամբ է հանդես եկել ՄԱԿ-ը:
Արեւմտյան չորս շրջաններ, որտեղ շուրջ 150 հազար մարդ է բնակվում, աղետի գոտի են հայտարարվել: Արեւադարձային հորդառատ անձրեւների հետեւանքով առաջացած հեղեղումների պատճառով այստեղ առնվազն 27 մարդ է զոհվել:
BBC-ի ռուսական ծառայության փոխանցմամբ, փրկարարները դեռեւս չեն կարողանում հասնել տուժած մի քանի շրջաններ:
Հարեւան հնդկական Մանիպուր նահանգի գյուղերից մեկում սողանքի հետեւանքով առնվազն 21 մարդ է զոհվել:
