Microsoft-ի ղեկավար Սաթյա Նադելլան պատմել է, որ լրացուցիչ իրականության Hololens ակնոցի նոր տարբերակը կթողարկվի հաջորդ տարի: Այն նախատեսված է անկախ մշակողների համար, որոնք հետաքրքրված են սարքերի համար հավելվածների ստեղծմամբ: Այս մասին նա տեղեկացրել է BBC News-ին տված հարցազրույցում:

Նադելլայի գնահատմամբ, Hololens-ի սպառողական տարբերակի ստեղծման համար 5 տարի կպահանջվի:

Ըստ Lenta-ի, ի տարբերություն Samsung VR Gear-ի, Oculus Rift-ի եւ նման այլ սաղավարտների, Hololens-ը ցուցադրում է ոչ թե վիրտուալ իրականություն, այլ եռաչափ հոլոգրամներ, որոնք կառավարել, տեղափոխել կամ չափսերը փոխել կարելի է ձեռքի շարժմամբ: