Սաուդյան Արաբիայի գլխավորած Արաբական կոալիցիան պատրաստվում է հետ վերցնել Եմենի մայրաքաղաք Սանան հուսի ապստամբներից, որոնք այն վերահսկում են անցյալ տարվա սեպտեմբերից:
Այս մտադրությունն իրականացնելու համար կոալիցիան զորքերը նոր ուժեր են տանում դեպի Եմեն: Reuters-ի տվյալներով, շաբաթվա սկզբից հարավային նավահանգստային Ադեն քաղաք 130 զրահամեքենա եւ շուրջ 1.000 հոգուց բաղկացած անձնակազմ է բերվել:
Երկիր են ժամանել նաեւ եմենցի զինվորականներ, որոնք մարզվել են Սաուդյան Արաբիայից եւ Արաբական Միացյալ Էմիրություններից մասնագետների ղեկավարությամբ: Հարձակումն իրականացվելու է Մարիբ գավառից, որտեղից էլ ուժերը նետվելու են մայրաքաղաքի ուղղությամբ:
Կոալիցիան ձգտում է Եմենը միասնական պահել, սակայն մայրաքաղաքի գրավման փորձի անհաջողությունը կարող է բաժանել երկիրը: Շիա հուսի ապստամբները, որոնք դժգոհ են իշխանություններից, մայրաքաղաք Սանան գրավել են 2014 թվականի սեպտեմբերին եւ դեպի հարավ հարձակում սկսել:
Երբ ապստամբները գրավեցին Ադենը՝ նախագահ Աբդ-Ռաբբո Մանսուր Հադիի վերջին հենարանը, 2015 թվականի մարտին պետության ղեկավարը փախավ Սաուդյան Արաբիա:
