Իրանում մեկնարկել է «Մուհամեդը՝ աստծու առաքյալ» ֆիլմի ցուցադրությունը, որը երկրի պատմության մեջ ամենաթանկարժեք կինոնախագիծն է: Դրա արտադրությունն արժեցել է 40 միլիոն դոլար: Ֆիլմը կներկայացվի 143 կինոթատրոնում:
Դեռեւս ֆիլմի արտադրության փուլում այն սուննիթների քննադատությանն էր արժանացել, որովհետեւ մարգարեի պատկեր է պարունակվում: Վեճերի ու բանավեճերի պատճառով ֆիլմի ցուցադրությունը որոշ ժամանակով հետաձգվել էր, հաղորդում է Lenta.ru-ն:
Ֆիլմը նկարահանել են մոտ յոթ տարի: Հեղինակները նշում են, որ մարգարեի դեմքը ֆիլմում չի երեւում: Ռեժիսոր Մաջիդ Մաջիդին ընդգծել է, որ իր աշխատանքով ցանկացել է բարելավել աշխարհում իսլամի վերաբերյալ պատկերացումները: Նա հավելել է, որ պատրաստվում է Մուհամեդի մասին եւս երկու ֆիլմ նկարահանել:
