Չինաստանի Չանդէ քաղաքում, որը գտնվում է երկրի կենտրոնական մասում՝ Խունանյ նահանգում, ցելյուլոզային թղթի գործարանում յոթ մարդ է զոհվել:
Ինչպես պարզվում է ՝ նախ աշխատավորներից մեկն է ընկել թունավոր թափոններով տարրայի մեջ: Այդ ժամանակ գործընկերները փորձել են օգնել նրան, սակայն ի վերջո իրենք են թունավորվել թունավոր գոլորշիներից, հայտնում է «Սինխուա» գործակալությունը:
Օգոստոսի 22-ին Շանդուն նահանգի Ցզըբո քաղաքի քիմիական գործարանում պայթյուն էր եղել: Այն այնքան ուժեղ էր, որ ձեռնարկությունից մեկ կիլոմետր տրամագծի վրա գտնվող բնակելի տներում պատուհանների ապակիները ջարդվել էին պայթյունի ալիքից:
