Ադրբեջանի ԶՈւ կորուստների միայն 1/6 մասն է Հայաստանի եւ ԼՂՀ-ի հետ հրաձգության պատճառով լինում։ Ինչպես գրում է haqqin.az-ը, «Կասպի» ռազմական հետազոտությունների ինստիտուտը սոցիալական ցանցերի եւ լրատվամիջոցների մոնիթորինգ է անցկացրել, որի արդյունքում պարզ է դարձել, որ 2015թ. առաջին 8 ամիսների ընթացքում Ադրբեջանի ՊՆ եւ անվտանգության ոլորտի կորուստները կազմել են 50 մարդ։ «Ընդհանուր կորուստներից 21-ը մարտական կորուստներ են, 8 զինծառայող մահացել են հայկական կողմի կրակոցներից, երեքը պայթել են ականի վրա»,- ասել է աղբյուրը։ Ամենայն հավանականությամբ մնացած 9 հոգին զոհվել են անհաջող դիվերսիայի ժամանակ։

Բացի այդ, եղել է 8 ինքնասպանություն, 8 զինվոր էլ մահացել են հարաբերություններ պարզելու ժամանակ։ Երեք զինծառայող զոհվել է զենքի հետ անզգույշ վարվելու պատճառով, երկուսը մնացել են ձնակույտի տակ, երկուսը մահացել են սրտի կաթվածից, եւս երկուսը՝ հիվանդության պատճառով։

Այսպիսով՝ հետազոտության արդյունքը կողմնակի կերպով ապացուցում է, որ հայկական կողմը չի հանդիսաում հրադադարի խախտման նախաձեռնողը, հակառակ դեպքում ադրբեջանական կողմի կորուստներն ավելի շատ կլինեին։ Միաժամանակ ակնհայտ է, որ ադրբեջանցի զինվորները պատրաստ են սպանել իրար։